aa gaya us mah ka jalwa jab nazar ke samne

aa gayā us mah kā jalva jab nazar ke sāmne

sab ye kah aTThe 'qamar' aayā qamar ke sāmne

shauq se shamshīr abrū ke lagāo vaar tum

zaḳhm khānā baat kitnī hai jigar ke sāmne

kuchh na kuchh to rañg lā.egī sitam-gar ḳhauf kar

ab to aa.ī hai du'ā merī asar ke sāmne

ab to tū bhī dafn kī de de ijāzat ai parī

ḳhud machal kar ruk ga.ī hai laash dar ke sāmne

tiir sīdhā paḌ ke jaatā hai ye barmātā huā

kis tarah aa.e koī tirchhī nazar ke sāmne

maiñ ne dar-parda jo kī tā'rīf-e-yusuf ek din

ā.gaye kaise vo parda se nikal kar sāmne

rū-ba-rū us ke hai abrū us kī duzdīda-nazar

tiir dil ke sāmne hai teġh sar ke sāmne

aabrū motī kī kyā hai āñsuoñ ke rū-ba-rū

kyā haqīqat laa'l kī laḳht-e-jigar ke sāmne

aa gaya us mah ka jalwa jab nazar ke samne

sab ye kah aTThe 'qamar' aaya qamar ke samne

shauq se shamshir abru ke lagao war tum

zaKHm khana baat kitni hai jigar ke samne

kuchh na kuchh to rang laegi sitam-gar KHauf kar

ab to aai hai du'a meri asar ke samne

ab to tu bhi dafn ki de de ijazat ai pari

KHud machal kar ruk gai hai lash dar ke samne

tir sidha paD ke jata hai ye barmata hua

kis tarah aae koi tirchhi nazar ke samne

main ne dar-parda jo ki ta'rif-e-yusuf ek din

aagaye kaise wo parda se nikal kar samne

ru-ba-ru us ke hai abru us ki duzdida-nazar

tir dil ke samne hai tegh sar ke samne

aabru moti ki kya hai aansuon ke ru-ba-ru

kya haqiqat la'l ki laKHt-e-jigar ke samne