ہے جب تلک قفس تن میں مرغ جاں صیاد

ہے جب تلک قفس تن میں مرغ جاں صیاد

نہ جائے گی ہوس سیر بوستاں صیاد

یہ بولی بلبل شیدا بصد فغاں صیاد

یہ کیسا ٹوٹ پڑا مجھ پہ آسماں صیاد

سناوں میں تجھے کیا نغمہ سنجیاں صیاد

کھلی ہے کنج قفس میں مری زباں صیاد

یہ کہتی باغ سے بلبل گئی خدا سمجھے

کہ فصل گل میں چھڑاتا ہے آشیاں صیاد

وصال ہونا پھر اس گل سے بلبل شیدا

نہیں محال اگر ہوئے مہرباں صیاد

جو شاخ گل کو یہ کاٹے تو وہ پر بلبل

عدو ہیں جان گلستاں میں باغباں صیاد

مزہ سے بلبل و گل باغ میں رہیں رمضانؔ

جو باغباں ہو شفیق اور مہرباں صیاد