is tarah gardan pe KHanjar ko lagate jaiye

is tarah gardan pe ḳhanjar ko lagāte jā.iye

ḳhuuñ se ālūda na ho dāman bachāte jā.iye

husn-e-zebā laakh nazroñ se bachāte jā.iye

aur khultā jā.egā jitnā chhupāte jā.iye

baat achchhī aap ne sīkhī hai ḳhush hogā raqīb

va.ade karte jā.iye saugand khāte jā.iye

kūcha-e-jānāñ meñ ādāb-e-vafā bhī chāhiye

gardan-e-taslīm ḳham ho sar jhukāte jā.iye

shāhidān-e-bāġh kī nāzish miTā do husn ke

kuchh tamāshā-e-qad-o-gesū dikhāte jā.iye

aap kā irshād nāseh ham ko hai dil se pasand

dard-e-dil kī bhī davā lekin batāte jā.iye

ġhair ke sau naaz tum par aur mujh par aap ke

aap dabte jā.iye mujh ko dabāte jā.iye

ka.aba-o-but-ḳhāna vaa.iz haiñ nishān-e-dīñ-fareb

dekheñ himmat aap kī in ko miTāte jā.iye

ġhair ke ghar meñ bhī 'rāqim' aaj tum hote chalo

ek chhachhūñdar chhoḌ kar kuchh gul khilāte jā.iye

is tarah gardan pe KHanjar ko lagate jaiye

KHun se aaluda na ho daman bachate jaiye

husn-e-zeba lakh nazron se bachate jaiye

aur khulta jaega jitna chhupate jaiye

baat achchhi aap ne sikhi hai KHush hoga raqib

wade karte jaiye saugand khate jaiye

kucha-e-jaanan mein aadab-e-wafa bhi chahiye

gardan-e-taslim KHam ho sar jhukate jaiye

shahidan-e-bagh ki nazish miTa do husn ke

kuchh tamasha-e-qad-o-gesu dikhate jaiye

aap ka irshad naseh hum ko hai dil se pasand

dard-e-dil ki bhi dawa lekin batate jaiye

ghair ke sau naz tum par aur mujh par aap ke

aap dabte jaiye mujh ko dabaate jaiye

kaba-o-but-KHana waiz hain nishan-e-din-fareb

dekhen himmat aap ki in ko miTate jaiye

ghair ke ghar mein bhi 'raqim' aaj tum hote chalo

ek chhachhundar chhoD kar kuchh gul khilate jaiye