Sufinama

is tarah gardan pe KHanjar ko lagate jaiye

Raqim Dehlavi

is tarah gardan pe KHanjar ko lagate jaiye

Raqim Dehlavi

MORE BY Raqim Dehlavi

    is tarah gardan pe ḳhanjar ko lagāte jā.iye

    ḳhuuñ se ālūda na ho dāman bachāte jā.iye

    husn-e-zebā laakh nazroñ se bachāte jā.iye

    aur khultā jā.egā jitnā chhupāte jā.iye

    baat achchhī aap ne sīkhī hai ḳhush hogā raqīb

    va.ade karte jā.iye saugand khāte jā.iye

    kūcha-e-jānāñ meñ ādāb-e-vafā bhī chāhiye

    gardan-e-taslīm ḳham ho sar jhukāte jā.iye

    shāhidān-e-bāġh nāzish miTā do husn ke

    kuchh tamāshā-e-qad-o-gesū dikhāte jā.iye

    aap irshād nāseh ham ko hai dil se pasand

    dard-e-dil bhī davā lekin batāte jā.iye

    ġhair ke sau naaz tum par aur mujh par aap ke

    aap dabte jā.iye mujh ko dabāte jā.iye

    ka.aba-o-but-ḳhāna vaa.iz haiñ nishān-e-dīñ-fareb

    dekheñ himmat aap in ko miTāte jā.iye

    ġhair ke ghar meñ bhī 'rāqim' aaj tum hote chalo

    ek chhachhūñdar chhoḌ kar kuchh gul khilāte jā.iye

    is tarah gardan pe KHanjar ko lagate jaiye

    KHun se aaluda na ho daman bachate jaiye

    husn-e-zeba lakh nazron se bachate jaiye

    aur khulta jaega jitna chhupate jaiye

    baat achchhi aap ne sikhi hai KHush hoga raqib

    wade karte jaiye saugand khate jaiye

    kucha-e-jaanan mein aadab-e-wafa bhi chahiye

    gardan-e-taslim KHam ho sar jhukate jaiye

    shahidan-e-bagh ki nazish miTa do husn ke

    kuchh tamasha-e-qad-o-gesu dikhate jaiye

    aap ka irshad naseh hum ko hai dil se pasand

    dard-e-dil ki bhi dawa lekin batate jaiye

    ghair ke sau naz tum par aur mujh par aap ke

    aap dabte jaiye mujh ko dabaate jaiye

    kaba-o-but-KHana waiz hain nishan-e-din-fareb

    dekhen himmat aap ki in ko miTate jaiye

    ghair ke ghar mein bhi 'raqim' aaj tum hote chalo

    ek chhachhundar chhoD kar kuchh gul khilate jaiye

    Source:

    • Book : Kulliyat-e-Raqim (Pg. 199)
    • Author : Raqim Dehlavi
    • Publication : Afzal-ul-Matabe, Dehli
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY