Sufinama

kisi se dil lagana hum to sauda isko kahte hain

Raqim Dehlvi

kisi se dil lagana hum to sauda isko kahte hain

Raqim Dehlvi

MORE BYRaqim Dehlvi

    kisī se dil lagānā ham to saudā is ko kahte haiñ

    maraz baiThe-biThā.e mol lenā is ko kahte haiñ

    ġham-e-furqat hai khāne ko shab-e-ġham hai taḌapne ko

    milā hai ham ko vo jiinā ki marnā is ko kahte haiñ

    bahut maġhrūr haiñ sarv-o-sanobar qad-e-mauzūñ par

    dikhā.eñge kisī qāmat ko zebā is ko kahte haiñ

    vo bad-ḳhū hai jafā-jū hai sitamgar hai samajhtā huuñ

    usī phir tamannā.ī huuñ saudā is ko kahte haiñ

    hamārī aarzū kyā hai tamannā hai raqīboñ

    ki be ḳhvāhish bar aatī hai tamannā is ko kahte haiñ

    muqaddar khīñch lā.egā kabhī tum ko dikhā deñge

    murādeñ yuuñ bar aatī haiñ tamannā is ko kahte haiñ

    jab in nākāmiyoñ par munhasir hai zindagī apnī

    ḳhudāyā marg kyā hogī jo jiinā is ko kahte haiñ

    ḳhadañg-e-ishq tum khāte haqīqat tum pe kuchh khultī

    mazā furqat aatā dil lagātā is ko kahte haiñ

    na nikle jab koī armāñ na koī aarzū niklī

    to apnī hasratoñ ḳhuun honā is ko kahte haiñ

    mohabbat donoñ jānib ho to lutf-e-ishq hai varna

    binā-e-ishq paanī pe rakhnā is ki kahte haiñ

    ye kyā ishq-o-mohabbat hai na aate ho na milte ho

    nahīñ ye khel laḌkoñ to phir kyā is ko kahte haiñ

    kaaro is rañg se ḳhvāhish ki har ḳhvāhish meñ ḳhvāhish ho

    vo sun kar kah uThīñ 'rāqim' taqāzā is ko kahte haiñ

    kisi se dil lagana hum to sauda is ko kahte hain

    maraz baiThe-biThae mol lena is ko kahte hain

    gham-e-furqat hai khane ko shab-e-gham hai taDapne ko

    mila hai hum ko wo jina ki marna is ko kahte hain

    bahut maghrur hain sarw-o-sanobar qad-e-mauzun par

    dikhaenge kisi qamat ko zeba is ko kahte hain

    wo bad-KHu hai jafa-ju hai sitamgar hai samajhta hun

    usi ka phir tamannai hun sauda is ko kahte hain

    hamari aarzu kya hai tamanna hai raqibon ki

    ki be KHwahish bar aati hai tamanna is ko kahte hain

    muqaddar khinch laega kabhi tum ko dikha denge

    muraden yun bar aati hain tamanna is ko kahte hain

    jab in nakaamiyon par munhasir hai zindagi apni

    KHudaya marg kya hogi jo jina is ko kahte hain

    KHadang-e-ishq tum khate haqiqat tum pe kuchh khulti

    maza furqat ka aata dil lagata is ko kahte hain

    na nikle jab koi arman na koi aarzu nikli

    to apni hasraton ka KHun hona is ko kahte hain

    mohabbat donon jaanib ho to lutf-e-ishq hai warna

    bina-e-ishq ka pani pe rakhna is ki kahte hain

    ye kya ishq-o-mohabbat hai na aate ho na milte ho

    nahin ye khel laDkon ka to phir kya is ko kahte hain

    karo is rang se KHwahish ki har KHwahish mein KHwahish ho

    wo sun kar kah uThin 'raqim' taqaza is ko kahte hain

    Source :
    • Book : Kulliyat-e-Raqim (Pg. 108)
    • Author : Raqim Dehlavi
    • Publication : Afzal-ul-Matabe, Dehli
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now