Sufinama

kahte hain aane ko wo aaen na aaen dekhiye

Raqim Dehlavi

kahte hain aane ko wo aaen na aaen dekhiye

Raqim Dehlavi

MORE BY Raqim Dehlavi

    kahte haiñ aane ko vo aa.eñ na aa.eñ dekhiye

    shauq meñ kab tak hameñ rastā dikhā.eñ dekhiye

    jaane do mujh par jafāoñ par jafā.eñ dekhiye

    mujh se bhī hone lageñgī ab ḳhatā.eñ dekhiye

    ibtidā-e-ishq meñ kyā kuchh hue mujh par sitam

    aage aage kyā paḌīñ sar par balā.eñ dekhiye

    aaj un se guftagū-e-vasl phir karne ko huuñ

    ārzūeñ rā.egāñ hoñ bar aa.eñ dekhiye

    vasl meñ iġhmāz karnā aap kar leñ ḳhayāl

    phir mirī ḳhvāhish pe begāna adā.eñ dekhiye

    ham-nafas haiñ maiñ huuñ qismat-azmā umīd-vār

    kis ko tanhā paas apne vo bulā.eñ dekhiye

    imtihāñ nazroñ meñ kar lo phir vafā khul jā.egī

    merī ulfat dekhiye apnī jafā.eñ dekhiye

    dil phirā hai un ḳhū se is qadar apnā nadīm

    vo bulā.eñ ham ko ham jaa.eñ na jaa.eñ dekhiye

    rūkhe-rūkhe bolte ho ye koī andāz hai

    rañg-e-ulfat ko miTā deñge adā.eñ dekhiye

    un se karne jaate haiñ 'rāqim' taqāzā vasl

    shaad ho kar aa.eñ nāshād aa.eñ dekhiye

    kahte hain aane ko wo aaen na aaen dekhiye

    shauq mein kab tak hamein rasta dikhaen dekhiye

    jaane do mujh par jafaon par jafaen dekhiye

    mujh se bhi hone lagengi ab KHataen dekhiye

    ibtida-e-ishq mein kya kuchh hue mujh par sitam

    aage aage kya paDin sar par balaen dekhiye

    aaj un se guftagu-e-wasl phir karne ko hun

    aarzuen raegan hon ya bar aaen dekhiye

    wasl mein ighmaz karna aap hi kar len KHayal

    phir meri KHwahish pe begana adaen dekhiye

    ham-nafas hain main hun qismat-azma umid-war

    kis ko tanha pas apne wo bulaen dekhiye

    imtihan nazron mein kar lo phir wafa khul jaegi

    meri ulfat dekhiye apni jafaen dekhiye

    dil phira hai un ki KHu se is qadar apna nadim

    wo bulaen hum ko hum jaen na jaen dekhiye

    rukhe-rukhe bolte ho ye koi andaz hai

    rang-e-ulfat ko miTa denge adaen dekhiye

    un se karne jate hain 'raqim' taqaza wasl ka

    shad ho kar aaen ya nashad aaen dekhiye

    Source:

    • Book : Kulliyat-e-Raqim (Pg. 177)
    • Author : Raqim Dehlavi
    • Publication : Afzal-ul-Matabe, Dehli
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY