kahte hain aane ko wo aaen na aaen dekhiye

kahte haiñ aane ko vo aa.eñ na aa.eñ dekhiye

shauq meñ kab tak hameñ rastā dikhā.eñ dekhiye

jaane do mujh par jafāoñ par jafā.eñ dekhiye

mujh se bhī hone lageñgī ab ḳhatā.eñ dekhiye

ibtidā-e-ishq meñ kyā kuchh hue mujh par sitam

aage aage kyā paḌīñ sar par balā.eñ dekhiye

aaj un se guftagū-e-vasl phir karne ko huuñ

ārzūeñ rā.egāñ hoñ yā bar aa.eñ dekhiye

vasl meñ iġhmāz karnā aap hī kar leñ ḳhayāl

phir mirī ḳhvāhish pe begāna adā.eñ dekhiye

ham-nafas haiñ maiñ huuñ qismat-azmā umīd-vār

kis ko tanhā paas apne vo bulā.eñ dekhiye

imtihāñ nazroñ meñ kar lo phir vafā khul jā.egī

merī ulfat dekhiye apnī jafā.eñ dekhiye

dil phirā hai un kī ḳhū se is qadar apnā nadīm

vo bulā.eñ ham ko ham jaa.eñ na jaa.eñ dekhiye

rūkhe-rūkhe bolte ho ye koī andāz hai

rañg-e-ulfat ko miTā deñge adā.eñ dekhiye

un se karne jaate haiñ 'rāqim' taqāzā vasl kā

shaad ho kar aa.eñ yā nāshād aa.eñ dekhiye

kahte hain aane ko wo aaen na aaen dekhiye

shauq mein kab tak hamein rasta dikhaen dekhiye

jaane do mujh par jafaon par jafaen dekhiye

mujh se bhi hone lagengi ab KHataen dekhiye

ibtida-e-ishq mein kya kuchh hue mujh par sitam

aage aage kya paDin sar par balaen dekhiye

aaj un se guftagu-e-wasl phir karne ko hun

aarzuen raegan hon ya bar aaen dekhiye

wasl mein ighmaz karna aap hi kar len KHayal

phir meri KHwahish pe begana adaen dekhiye

ham-nafas hain main hun qismat-azma umid-war

kis ko tanha pas apne wo bulaen dekhiye

imtihan nazron mein kar lo phir wafa khul jaegi

meri ulfat dekhiye apni jafaen dekhiye

dil phira hai un ki KHu se is qadar apna nadim

wo bulaen hum ko hum jaen na jaen dekhiye

rukhe-rukhe bolte ho ye koi andaz hai

rang-e-ulfat ko miTa denge adaen dekhiye

un se karne jate hain 'raqim' taqaza wasl ka

shad ho kar aaen ya nashad aaen dekhiye