بڑھ گیا ظلم و ستم اس بانیِ بیداد کا

بڑھ گیا ظلم و ستم اس بانیِ بیداد کا

کیا اثر الٹا ہوا ہے نالہ و فریاد کا

تیغ برّاں سے کیا جب قتل مجھ کو بے خطا

ہیبتِ روزِ جزا سے دل ہلا جلاد کا

غیر سے لکھوا کے خط شوخی سے بھیجا ہے مجھے

اے ستم گر یہ نیا انداز ہے بیداد کا

آئینہ میں چلبلے پن سے نہ ٹھہرا عکسِ یار

اُڑ گیا سب رنگ درد غن چہرۂ بہزاد کا

مار ہی دالے گی یادِ قامت موزوں مجھے

باغ میں سولی بنا ہے ہر شجرہ شمشاد کا

حسنِ یوسف دیدۂ یعقوب سے دیکھے کوئی

حال پوچھے قمری ناشاد سے شمشاد کا