پہلو میں تو ہمارے جب اے صنم نہ ہوگا

پہلو میں تو ہمارے جب اے صنم نہ ہوگا

تو ہی بتا کہ اس کا کیا ہم کو غم نہ ہوگا

زانو پہ تیرے سر ہو اور جان تن سے نکلے

مرنے کا مجھ کو صدمہ تیری قسم نہ ہوگا

دیکھی جو نبض میری ہنس کر طبیب بولا

لاچار ہوں میں اس میں یہ درد کم نہ ہوگا

لے کر نقاب منہ پر کرتے ہو قتل مجھ کو

دیدار گر نہ دوگے یہ سر قلم نہ ہوگا

عاشق بھی تم پہ ہوں گے تم بھی جفا کرو گے

چرچے یہی رہیں گے اک میرا دم نہ ہوگا

اغیار کی مرادیں کب تک کرو گے پوری

سچ سچ بتاؤ مجھ پر کب تک کر نہ ہوگا

اے موت تو ہی آجا آتے نہیں اگر وہ

فرقت میں رازؔ جینا مرنے سے کم نہ ہوگا