kam se kam itna buzurgon ka asar rakhte hain

kam se kam itnā buzurgoñ kā asar rakhte haiñ

yaar ko apne manāne kā hunar rakhte haiñ

apnī ulfat kā 'ajab ham bhī asar rakhte haiñ

husn tum rakhte ho ham husn-e-nazar rakhte haiñ

maiñ bhaTak jā.ūñ kabhī ho nahīñ saktā hargiz

tum ne jab kah diyā ham tum pe nazar rakhte haiñ

kyuuñ sunātā phirūñ rūdād zamāne bha ko

mere har haal kī jab aap ḳhabar rakhte haiñ

chand kirneñ liye be-kār hai raushan duniyā

vo to Thokar pe suno shams-o-qamar rakhte haiñ

aap aa jaa.eñ to dīdār-e-'aqīdat kar leñ

apne hoñToñ pe yahī shām-o-sahar rakhte haiñ

aap kā haath hai sar par to bahut hai 'ālam'

ham kahāñ apne liye la.al-o-gauhar rakhte haiñ

kam se kam itna buzurgon ka asar rakhte hain

yar ko apne manane ka hunar rakhte hain

apni ulfat ka 'ajab hum bhi asar rakhte hain

husn tum rakhte ho hum husn-e-nazar rakhte hain

main bhaTak jaun kabhi ho nahin sakta hargiz

tum ne jab kah diya hum tum pe nazar rakhte hain

kyun sunata phirun rudad zamane bha ko

mere har haal ki jab aap KHabar rakhte hain

chand kirnen liye be-kar hai raushan duniya

wo to Thokar pe suno shams-o-qamar rakhte hain

aap aa jaen to didar-e-'aqidat kar len

apne honTon pe yahi sham-o-sahar rakhte hain

aap ka hath hai sar par to bahut hai 'alam'

hum kahan apne liye lal-o-gauhar rakhte hain