apne tarkash mein jo wo tir-e-nazar rakhte hain

apne tarkash meñ jo vo tīr-e-nazar rakhte haiñ

ham bhī haiñ sīna-sipar ham bhī jigar rakhte haiñ

husn kī bhiiḌ meñ ik tum ko hamīñ ne DhūñDā

husn tum rakhte ho ham husn-e-nazar rakhte haiñ

aap se bāteñ hamārī haiñ kahāñ poshīda

aap ke kaan to dīvār meñ dar rakhte haiñ

ḳhāk-e-dahlīz dar-e-yār meñ hai apnā nasīb

ham kahāñ chāñd sitāroñ pe nazar rakhte haiñ

dekhnā bhī jo gavārā nahīñ karte haiñ hameñ

sunte haiñ ham pe vahī puurī nazar rakhte haiñ

bazm meñ ham ko ka.ī aise bhī mil jaate haiñ log

nazreñ hotī haiñ udhar kaan idhar rakhte haiñ

baat sunte haiñ kahāñ vo to zabāñ par 'as.ad'

kyuuñ kahāñ kaise agar aur magar rakhte haiñ

apne tarkash mein jo wo tir-e-nazar rakhte hain

hum bhi hain sina-sipar hum bhi jigar rakhte hain

husn ki bhiD mein ek tum ko hamin ne DhunDa

husn tum rakhte ho hum husn-e-nazar rakhte hain

aap se baaten hamari hain kahan poshida

aap ke kan to diwar mein dar rakhte hain

KHak-e-dahliz dar-e-yar mein hai apna nasib

hum kahan chand sitaron pe nazar rakhte hain

dekhna bhi jo gawara nahin karte hain hamein

sunte hain hum pe wahi puri nazar rakhte hain

bazm mein hum ko kai aise bhi mil jate hain log

nazren hoti hain udhar kan idhar rakhte hain

baat sunte hain kahan wo to zaban par 'asad'

kyun kahan kaise agar aur magar rakhte hain