کیا تم کو سناؤں میں حالِ دلِ دیوانہ

کیا تم کو سناؤں میں حالِ دلِ دیوانہ

اک غم کی کہانی ہے اک درد کا افسانہ

ہاں مجھ کو پلائے جا پیمانہ پہ پیمانہ

مدہوش بنائے جا اے ساقیٔ میخانہ

افسانے کے دورخ ہیں اور کتنے مکمل ہیں

اک عشق ہے افسانہ، اک حسن ہے افسانہ

پھر کس کی طرف دیکھیں، پھر کس کی طرف جائیں

جب دل میں ہی کعبہ ہو اور دل میں ہی بت خانہ

دنیا میں صباؔ کوئی ہمدرد نہیں اپنا

اک دل پہ بھروسہ تھا وہ بھی ہوا بیگانہ