جو دل ہے مرے پاس وہ دل نہیں ہے مگر ایک ناداں ہے میرے بغل میں

جو دل ہے مرے پاس وہ دل نہیں ہے مگر ایک ناداں ہے میرے بغل میں

مرے اشکِ خونی سے تر آستیں ہے یہ چشمانِ طوفاں ہے میرے بغل میں

لے نامے کو ہاتھوں میں روزِ قیامت کے دن سارے ہوویں گے محشر میں حاضر

کھڑا ہوں گا جا میں بھی خم ٹھونک اس میں کہ تصویرِ جاناں ہے میرے بغل میں

مژہ سے چلے گرچہ بادِ صبا بھی اور آ جاوے پھر جو کبھو وہ چمن میں

اگر غنچہ گل ہو کہ گل ہووے غنچہ تو بو اس کی پنہاں ہے میرے بغل میں

گلی سے اگر اس کی قاصد بھی گذر ے جو سر کو بھی وارے وہ اس کے قدم پر

تو اشکوں کے گرنے میں مانندِ طفلاں کہوں گا کہ اس آں ہے میرے بغل میں

میں نازاں ہوں غمزوں کے تیروں سے اس کے نہیں ہے یہ آزار لذت کا مجھ کو

جراحت کہاں ہے جو مرہم کرے کوئی مگر نوکِ پیکاں ہے میرے بغل میں

بھلا خیر صادقؔ بہ بازارِ محشر میں کیوں کر کہ سودا پہ تیرا بنے گا

کہ اس کے تو ہاتھوں میں ہے نقدِ جاں بخش مگر جنسِ عصیاں ہے میرے بغل میں