نورِ وحدت ہے عیاں رخسار کی تنویر میں

نورِ وحدت ہے عیاں رخسار کی تنویر میں

جلوہ گر حسنِ ازل ہے آپ کی تصویر میں

دل کھنچا جاتا ہے اپنا تیرِ مژگاں کی طرف

ہے اثر واللہ مقناطیس کا اس تیر میں

ملتی ہے عاشق کو مرنے پر حیاتِ جاوداں

پاتا ہے آبِ بقا آبِ دم شمشیر میں

تو نے جس کو اک نظر دیکھا وہ شیدا ہوگیا

ہے کمال آنکھوں کو تیری اے صنم تسخیر میں

رات دن فکر و تردد، روزِ شب درد و الم

ہے یہی لکھا ہوا صادقؔ تری تقدیر میں