munh hai kuchh utra sa bharrai hui aawaz hai

muñh hai kuchh utrā sā bharrā.ī huī āvāz hai

ḳhair to hai kyā mizāj-e-dushmanāñ nā-sāz hai

kal usī se jañg hai kuchh aaj jis se saaz hai

aur phir tum ko us apnī dostī par naaz hai

ham to dīvāne the jo karte the hairat raat din

ab tum apnī to kaho kyuuñ chashm-e-hairat baaz hai

ham-nashīñ āḳhir ko us ne sun liyā saare gile

maiñ na kahtā thā kisī ke paañv kī āvāz hai

hijr ke saare maze jo the tasavvur se miTe

tum to tum ye bhī sitam-gar ab ḳhalal-andāz hai

pyaar karne ko milā ma.ashūq vo bhī aap sā

āj-kal ham ko bhī apnī āshiqī par naaz hai

ai 'safī' jo aaj tak dekhā sunā sab hech thā

husn hai duniyā meñ achchhī chiiz yā āvāz hai

munh hai kuchh utra sa bharrai hui aawaz hai

KHair to hai kya mizaj-e-dushmanan na-saz hai

kal usi se jang hai kuchh aaj jis se saz hai

aur phir tum ko us apni dosti par naz hai

hum to diwane the jo karte the hairat raat din

ab tum apni to kaho kyun chashm-e-hairat baz hai

ham-nashin aaKHir ko us ne sun liya sare gile

main na kahta tha kisi ke panw ki aawaz hai

hijr ke sare maze jo the tasawwur se miTe

tum to tum ye bhi sitam-gar ab KHalal-andaz hai

pyar karne ko mila mashuq wo bhi aap sa

aaj-kal hum ko bhi apni aashiqi par naz hai

ai 'safi' jo aaj tak dekha suna sab hech tha

husn hai duniya mein achchhi chiz ya aawaz hai