yahi tewar yahi andaz hain to saKHt mushkil hai
yahī tevar yahī andāz haiñ to saḳht mushkil hai
tumhārī ik javānī saiñkaḌoñ ko āfat-e-dil hai
nahīñ hai dostī mushkil magar ye saḳht mushkil hai
hamārā dil hamārā aap kā dil aap kā dil hai
bigāḌā hai mirī jānib se aisā un ko logoñ ne
kahāñ kī dād-ḳhvāhī baat tak karnī bhī mushkil hai
ye liije banda-parvar aap jiite aur maiñ haarā
ye merā dil nahīñ bas ho chukā ye aap kā dil hai
tasavvur meñ kisī ke inhimāk itnā baḌhā apnā
muḳhātab ho ga.e haiñ jis tarah koī muqābil hai
tamannā kyā tamannā aarzū kyā aarzū merī
tabī.at hai tabī.at aap kī dil aap kā dil hai
yahi tewar yahi andaz hain to saKHt mushkil hai
tumhaari ek jawani sainkaDon ko aafat-e-dil hai
nahin hai dosti mushkil magar ye saKHt mushkil hai
hamara dil hamara aap ka dil aap ka dil hai
bigaDa hai meri jaanib se aisa un ko logon ne
kahan ki dad-KHwahi baat tak karni bhi mushkil hai
ye lije banda-parwar aap jite aur main haara
ye mera dil nahin bas ho chuka ye aap ka dil hai
tasawwur mein kisi ke inhimak itna baDha apna
muKHatab ho gae hain jis tarah koi muqabil hai
tamanna kya tamanna aarzu kya aarzu meri
tabiat hai tabiat aap ki dil aap ka dil hai
- Book : Gulzar-e-Safi (Pg. 179)
- Author : Safi Aurangabadi
- Publication : Golden Press, Hyderabad (1987)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
