mashware kar kar ke logon mein mujhe ruswa kiya

mashvare kar kar ke logoñ meñ mujhe rusvā kiyā

vaah tujh se aas kyā thī aur tū ne kyā kiyā

ab tumhārī dostī ko donoñ hāthoñ se salām

jo huā achchhā huā jo kuchh kiyā achchhā kiyā

ishq kī tāsīr agar ye hai ki ho donoñ taraf

phir ye jo kuchh aaj tak ham ne kiyā to kyā kiyā

dost kā jalva kahāñ vo bad-nasīb āñkheñ kahāñ

jo dikhāyā apnī qismat ne mujhe dekhā kiyā

ham rahe bhī un kī mahfil meñ to bas aise rahe

zabt ne gūñgā banāyā sabr ne andhā kiyā

maiñ burā huuñ ġham nahīñ lekin mere allāh ne

aap ko achchhā banāyā ye bahut achchhā kiyā

ab to jiine kī duā.eñ māñgtā huuñ raat din

ai 'safī' us kī qasam jis ne mujhe paidā kiyā

mashware kar kar ke logon mein mujhe ruswa kiya

wah tujh se aas kya thi aur tu ne kya kiya

ab tumhaari dosti ko donon hathon se salam

jo hua achchha hua jo kuchh kiya achchha kiya

ishq ki tasir agar ye hai ki ho donon taraf

phir ye jo kuchh aaj tak hum ne kiya to kya kiya

dost ka jalwa kahan wo bad-nasib aankhen kahan

jo dikhaya apni qismat ne mujhe dekha kiya

hum rahe bhi un ki mahfil mein to bas aise rahe

zabt ne gunga banaya sabr ne andha kiya

main bura hun gham nahin lekin mere allah ne

aap ko achchha banaya ye bahut achchha kiya

ab to jine ki duaen mangta hun raat din

ai 'safi' us ki qasam jis ne mujhe paida kiya