koi arman dil se kya nikle

koī armān dil se kyā nikle

aap is ghar se bārhā nikle

jis pe Daalī nigāh lauT gayā

un ke sab tiir be-ḳhatā nikle

chāhte kyuuñ haiñ sab visāl kī maut

paas vo hoñ to jaan kyā nikle

vo kabhī aa.eñ bhī to kis ko ḳhabar

dil meñ kyā aa.e muñh se kyā nikle

mudda.ā pūchhnā hī chhoḌ diyā

jab vo ḳhud merā mudda.ā nikle

un ko apnī sambhāl dūbhar hai

nāznīnoñ se kaam kyā nikle

mujh ko rone se ho agar taskīñ

dard se dard kī davā nikle

na satāyā karo ġharīboñ ko

kyā ḳhabar kis ke dil se kyā nikle

dil daulat pe hai 'safī' kab se

kaam kuchh to ġharīb kā nikle

koi arman dil se kya nikle

aap is ghar se barha nikle

jis pe Dali nigah lauT gaya

un ke sab tir be-KHata nikle

chahte kyun hain sab visal ki maut

pas wo hon to jaan kya nikle

wo kabhi aaen bhi to kis ko KHabar

dil mein kya aae munh se kya nikle

muddaa puchhna hi chhoD diya

jab wo KHud mera muddaa nikle

un ko apni sambhaal dubhar hai

nazninon se kaam kya nikle

mujh ko rone se ho agar taskin

dard se dard ki dawa nikle

na sataya karo gharibon ko

kya KHabar kis ke dil se kya nikle

dil daulat pe hai 'safi' kab se

kaam kuchh to gharib ka nikle