jawani nahin ban sanwarne ke din

javānī nahīñ ban sañvarne ke din

jhijhakne kī rāteñ haiñ Darne ke din

ayādat ko vo aake ye kah gayā

abhī duur haiñ tere marne ke din

tasadduq tire bad-gumānī-e-ishq

safā.ī hue un se marne ke din

tumhāre na milne se kyā ho gayā

guzar hī rahe haiñ guzarne ke din

shabāb aur phir dilbaroñ kā shabāb

nigāhoñ ke sadqe utarne ke din

kisī kī ināyāt kā daur haaye

vo bātoñ meñ rāteñ guzarne ke din

javānī ga.ī aur le kar ga.ī

kisī baat se jī na bharne ke din

na bhūleñge jannat meñ bhī ye samāñ

kisī kā shabāb apne marne ke din

ġhanīmat hai sāheb salāmat terī

rahe ab kahāñ baat karne ke din

mirī shakl se koī be-zār hai

ye jiine ke din haiñ na marne ke din

'safī' ab zamāna hai nāzuk bahut

ye haiñ apne saa.e se Darne ke din

jawani nahin ban sanwarne ke din

jhijhakne ki raaten hain Darne ke din

ayaadat ko wo aake ye kah gaya

abhi dur hain tere marne ke din

tasadduq tere bad-gumani-e-ishq

safai hue un se marne ke din

tumhaare na milne se kya ho gaya

guzar hi rahe hain guzarne ke din

shabab aur phir dilbaron ka shabab

nigahon ke sadqe utarne ke din

kisi ki inayat ka daur haye

wo baaton mein raaten guzarne ke din

jawani gai aur le kar gai

kisi baat se ji na bharne ke din

na bhulenge jannat mein bhi ye saman

kisi ka shabab apne marne ke din

ghanimat hai saheb salamat teri

rahe ab kahan baat karne ke din

meri shakl se koi be-zar hai

ye jine ke din hain na marne ke din

'safi' ab zamana hai nazuk bahut

ye hain apne sae se Darne ke din