kya karishme the tere didar mein

kyā karishme the tire dīdār meñ

ham tamāsha ban ga.e bāzār meñ

dil ne kyā dekhā nigāh-e-yār meñ

rañj kī bāteñ bhī kah diiñ pyaar meñ

haaye ab samjhe to kyā samjhe koī

laakh pahlū haiñ tire iqrār meñ

ai dil apne dekhne vāloñ ko dekh

kyā udhar hai rauzan-e-dīvār meñ

aap rūThe haiñ to ham bhī haiñ ḳhafā

qaul meñ vo thā na ye iqrār meñ

dost dushman ho ki apnā ho ki ġhair

ek haiñ sab aap kī sarkār meñ

āshiqī se kar le tauba ai 'safī'

husn ab bikne lagā bāzār meñ

kya karishme the tere didar mein

hum tamasha ban gae bazar mein

dil ne kya dekha nigah-e-yar mein

ranj ki baaten bhi kah din pyar mein

haye ab samjhe to kya samjhe koi

lakh pahlu hain tere iqrar mein

ai dil apne dekhne walon ko dekh

kya udhar hai rauzan-e-diwar mein

aap ruThe hain to hum bhi hain KHafa

qaul mein wo tha na ye iqrar mein

dost dushman ho ki apna ho ki ghair

ek hain sab aap ki sarkar mein

aashiqi se kar le tauba ai 'safi'

husn ab bikne laga bazar mein