unhen aashiq kaha karte hain jo be-maut marte hain

unheñ āshiq kahā karte haiñ jo be-maut marte haiñ

nahīñ ma.alūm pahle ye kinā.e kis ne barte haiñ

sañvartā dekh kar un ko mujhe armān hotā hai

ilāhī is tarah mere muqaddar kab sañvarte haiñ

kisī ke dil se ham utare to samjhe chaḌh bhī jā.eñge

kareñ kyā fikr dariyā bhī to chaḌhte haiñ utarte haiñ

kahāñ vo dard jo hotā hai ahlullāh ke dil meñ

kahāñ vo naala jis se arsh ke paaye udhaḌte haiñ

jo un ke kaan bharte haiñ hamāre zaḳhm kyuuñ bharte

masal mash.hūr hai sab log bhartoñ hī ko bharte haiñ

mazā kaisā na deñge dhamkiyāñ tark-e-mohabbat kī

Darāte haiñ 'safī' ko apne saa.e se jo Darte haiñ

unhen aashiq kaha karte hain jo be-maut marte hain

nahin malum pahle ye kinae kis ne barte hain

sanwarta dekh kar un ko mujhe arman hota hai

ilahi is tarah mere muqaddar kab sanwarte hain

kisi ke dil se hum utare to samjhe chaDh bhi jaenge

karen kya fikr dariya bhi to chaDhte hain utarte hain

kahan wo dard jo hota hai ahlullah ke dil mein

kahan wo nala jis se arsh ke paye udhaDte hain

jo un ke kan bharte hain hamare zaKHm kyun bharte

masal mashhur hai sab log bharton hi ko bharte hain

maza kaisa na denge dhamkiyan tark-e-mohabbat ki

Daraate hain 'safi' ko apne sae se jo Darte hain