دیکھیے تری نگاہ الفت کب ہم پر پڑے

دیکھیے تری نگاہ الفت کب ہم پر پڑے

ساقیا مدت ہوئی ہم کو تیرے در پڑے

واعظوں سے کوئی پوچھے تو خدا کے واسطے

میرے پیچھے کس لیے ہاتھ یہ دھو کر پڑے

منع کرتاہے مجھے عشق بتاں سے کس لیے

عقل پر اے ناصح ناداں تری پتھر پڑے

خاک کو اکسیر دے جو غلط انداز سے

کاش وہ چشم فسو نگر ایک دن مجھ پر پڑے

کوئی کیا سمجھے تری زلف دو تا کے پیچ و تاب

اس بلا کو تو وہی جانےکہ جس کے سر پڑے

یہ محبت کی کشش ہے یہ عقیدت کا ہے جوش

اس کے کوچہ میں جو ہم رہتے ہیں اے ساغرؔ پڑے