تجھ پہ قربان ہو گیا ہے دل
تجھ پہ قربان ہو گیا ہے دل
اب مری جان ہو گیا ہے دل
آپ کی اتنی دل دہی پر بھی
کیوں پریشان ہو گیا ہے دل
جا کے پہلو سے پھر نہیں آیا
کس کا مہمان ہو گیا ہے دل
جانے کیا اس نظر نے سمجھایا
سخت نادان ہو گیا ہے دل
کچھ انہیں جور پر ندامت ہے
کچھ پشیمان ہو گیا ہے دل
ٹوٹ کر اور ہو گیا دلکش
تیرا پیمان ہو گیا ہے دل
سیفؔ اک یاد کے نہ ہونے سے
کتنا ویران ہو گیا ہے دل
مأخذ :
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
