سمجھ شباب کے تئیں موسم بہار نہ سو

سمجھ شباب کے تئیں موسم بہار نہ سو

کرے گی خواب گراں تجھ کو زینہار نہ سو

چمن کہیں ہے گل ہر سحر نگار نہ سو

پلک کے لگنے میں جاوے گی یہ بہار نہ سو

مثال قافلۂ عمر جاوے غفلت میں

یہ بادیہ ہے خطرناک زینہار نہ سو

نہ ہو جوانی میں غافل کہ پیری آ پہنچی

مثال آوے خزاں موسم بہار نہ سو

چمن میں بوئے دل آویز کیسی آتی ہے

نہ سو تو صبح کے تئیں موسم بہار نہ سو

جرس کے شور کا مضمون یہی ہے اے سالک

کہ راہ عشق میں رہزن ہیں بے شمار نہ سو

رباب و چنگ سوں مستوں کو یہ صدا آوے

کہ رنج دیوے گا آخر کے تئیں خمار نہ سو

یقیں کہ مردہ ہو جاؤں گا مثل خاکستر

کہ ایک دم کا یہ جینا ہے جیوں شرار نہ سو

کرے جو خواب یہاں ایک دم میں مارا پڑے

یہ آسماں نہ ہو رہزن کا ہے حصار نہ سو

تپش اگر نہ ہو مجھ میں اس فلک کے رہا

کہ فغاں کر شہید وار نہ سو

یہ باد صبح میں پیری کہ دل کبھی بجھ جائے

مثال شمع کر گریہ زار زار نہ سو