sarf-e-gham humne naujawani ki

sarf-e-ġham ham ne naujavānī kī

vaah kyā ḳhuub zindagānī kī

apnī biitī agar maiñ tujh se kahūñ

baat nibḌe na us kahānī kī

tere dāġhoñ kī ai ġham-e-ulfat

ḳhuub ham ne bhī bāġhbānī kī

joñ nigah-e-dil gayā hai āñkhoñ kī raah

garche ham ne nigāhbānī kī

kis ke haañ tum karam nahīñ karte

kabho idhar na mehrbānī kī

apne nazdīk dard-e-dil meñ kahā

tere nazdīk qissa-ḳhvānī kī

harza-goī se mujh ko dī hai najāt

haigī minnat ye be-zabānī kī

nahīñ tāqat ki dam nikāl sakūñ

ab ye naubat hai nā-tavānī kī

'asar' is haal pe bhī jiitā hai

kyā kahūñ us kī saḳht-jānī kī

sarf-e-gham hum ne naujawani ki

wah kya KHub zindagani ki

apni biti agar main tujh se kahun

baat nibDe na us kahani ki

tere daghon ki ai gham-e-ulfat

KHub hum ne bhi baghbani ki

jon nigah-e-dil gaya hai aankhon ki rah

garche hum ne nigahbani ki

kis ke han tum karam nahin karte

kabho idhar na mehrbani ki

apne nazdik dard-e-dil mein kaha

tere nazdik qissa-KHwani ki

harza-goi se mujh ko di hai najat

haigi minnat ye be-zabani ki

nahin taqat ki dam nikal sakun

ab ye naubat hai na-tawani ki

'asar' is haal pe bhi jita hai

kya kahun us ki saKHt-jaani ki