کیا بتاؤں کیوں بتاؤں وہ جہاں روپوش ہے

کیا بتاؤں کیوں بتاؤں وہ جہاں روپوش ہے

دل ہے عرفانی مرا مری زباں خاموش ہے

اس جہاں کا ذرہ ذرہ قطرہ قطرہ برگ برگ

ہو کوئی اہل نظر تو آئینہ بردوش ہے

بے تکلف چھیڑ ہاں پھر چھیڑ اے مضراب حسن

مدتیں گزریں کہ مرا ساز دل خاموش ہے

اللہ اللہ صاحب دل ہے کوئی کوثر بہ لب

توبہ توبہ کفر پرور کوئی بادہ نوش ہے

آزما لیں جانچ لیں اے شاد ؔلے لیں جائزہ

بے خودی کی محویت میں کس کو کتنا ہوش ہے