حقیقت سے نہ کوئی اس طرح بیگانہ ہو جائے

حقیقت سے نہ کوئی اس طرح بیگانہ ہو جائے

معاذ اللہ یوں دیوانۂ دنیا نہ ہو جائے

الٰہی وہ بھی اپنے ہوش سے بیگانہ ہو جائے

جو ہنستا ہے ہمارے حال پر دیوانہ ہو جائے

ہمارا در تمہارا عشق کیوں رسوا نہ ہو جائے

کلیم و طور کا دنیا میں جب افسانہ ہو جائے

وبال جان ہوتی جا رہی ہے زندگی اپنی

اور اندیشہ یہ ہے اب اور جانے کیا نہ ہو جائے

قیامت تھا کسی کا شاد یہ جھنجھلا کے کہہ دینا

بلا سے جان دے دے کوئی یا دیوانہ ہو جائے