وسعت نگاہ سے پرے قاف لام نون دال رے

وسعت نگاہ سے پرے قاف لام نون دال رے

نورِ حق سے آشنا کرے قاف لام نون دال رے

معترف تھے اپنی بات پر منجمد تھے اپنی ذات پر

خود سے ہو گئے مناظرے قاف لام نون دال رے

شہسوار منہ کے بل گرے آ ہی جائیں کیوں نہ زلزلے

پاؤں رن میں جس گھڑی دھرے قاف لام نون دال رے

جب زمانہ سج کے آ گیا میں زمانہ تج کے آ گیا

میرے ایک تم ہو آسرے قاف لام نون دال رے

تو وہی اسیرِ بحر ہے یہ وہی فقیرِ شہر ہے

کھوٹے قافیے بھی ہیں کھرے قاف لام نون دال رے

مال و زر سے دور دور ہے ہائے کتنا ذی شعور ہے

دیکھ دھیان سے معاشرے قاف لام نون دال رے