محبت حقیقت میں اک امتحاں ہے

محبت حقیقت میں اک امتحاں ہے

یہ بحرِ تلاطم ہے، موجِ رواں ہے

جو ڈوبا ہے اس بحر کی تہ میں جا کر

اسی کو ملا زندگی کا نشاں ہے

جہاں کوئی ڈوبے محبت کے ہاتھوں

وہیں پر تو محبوب کا آستاں ہے

خرد محوِ حیرت ہے، سنتی ہے جب جب

نکلتی ہے دل سے جو، کیسی فغاں ہے!

نہیں جانتا کب سے محوِ سفر ہوں

اسے ڈھونڈتا ہوں، جو خود بے نشاں ہے

غمِ جاوداں دردِ دل کا ہوں مالک

وہ ساقی میرا کس قدر مہرباں ہے

سنائے اگر سوزِ دل کو تو جانوں

ارے مانا واعظ ! تُو شعلہ بیاں ہے

شفیقؔ اب کوئی تجھ کو کیسے مٹائے

کہ جب تُو نہیں ہے، نہ تیرا نشاں ہے