ان کو کیا دیکھا گل و گلزار آنکھیں ہو گئیں

ان کو کیا دیکھا گل و گلزار آنکھیں ہو گئیں

اک نظر میں مطلع انوار آنکھیں ہو گئیں

ہر گھڑی خنجر بکف آنکھوں میں پھرتی ہے اجل

جب سے اے قاتل تری خونخوار آنکھیں ہو گئیں

نزع میں آیا سرِ بالیں جو وہ گل سیم تن

تھیں تو پتھرائی ہوئی گلزار آنکھیں ہو گئیں

خواب میں لڑتی رہیں آنکھیں تری تصویر سے

قسمتوں سے نیند میں بیدار آنکھیں ہوگئیں

قبر پر نرگس اُگی، تلووں سے اس نے مل دیا

یوں تمہاری شاہؔ نذرِ یار آنکھیں ہو گئیں