کس کو خبر ہے آہ مرے داغِ عشق کی

کس کو خبر ہے آہ مرے داغِ عشق کی

خاموش ہو کے جلتا ہے یعنی کبابِ دل

ہر حرف اس کا جوہرِ شمشیر دیکھ لو

ہے بابِ درد زخمِ محبت کتابِ دل

نام اس کا لو تو دھو لئو منہ گلاب سوں

یعنی کہ سب حبابوں سیں پاک ہے حبابِ دل

آتش بلند کیوں نہ کرو داغِ عشق کی

جلنے ہی میں رکھے ہے مزا یہ کبابِ دل

جو داغِ عشق اس کو کہو یا کہ کچھ کہو

رکھتا ہے اپنے حبیب میں اک آفتابِ دل

اب چاہتا نمک کا تبسم بھی اس اوپر

اُس لعل آتشیں سوں ہوا جو کبابِ دل

جو ہے مزا سو اس کے تبسم سوں ہے کمالؔ

چاہے اس لخت دل پر نمک یہ کبابِ دل