جو ایک دم بھی چمن میں وہ گل عذار رہا

جو ایک دم بھی چمن میں وہ گل عذار رہا

گلوں کے چہرے پہ کب رنگ کا بہار رہا

میں کیونکر صبر کروں اور بے قرار رہا

کسی کا عشق میں کچھ صبر اور قرار رہا

میں اس کے ملتے ہوا گم یہ اضطراب رہا

جو سیل پہنچا بھی دریا کو پیچ وتاب رہا

تو نقشِ آب اوپر ہے تجھے ثبات کہاں

کہ ایک دم کے سوا بھی کہیں حباب رہا

چمکتی دیکھ کر اس بحرِ حسن کی موجیں

گہر کے چہرے اوپر کچھ بھی آب و تاب رہا

بیاں جو کیجئے اسے بے شمار ہو دفتر

کمال ؔجور کا ظالم کے کچھ حساب رہا