عالم تمام دست نگر دیکھ رہا ہوں

عالم تمام دست نگر دیکھ رہا ہوں

جھکتا ہوا مخلوق کا سر دیکھ رہا ہوں

پر خوف و خطر راہ گزر دیکھ رہا ہوں

بکتا ہوا ایمان کا گھر دیکھ رہا ہوں

خلاق دو عالم ترا درد دیکھ رہا ہوں

شاہ و گدا پہ ایک نظر دیکھ رہا ہوں

کیا انشراح صدر کی تفسیر یہی ہے

مثلِ صدف ہوش گہر دیکھ رہا ہوں

رنگ نظر اہل نظر دیکھ رہا ہوں

جلوہ ترا ہر شام و سحر دیکھ رہا ہوں

مصروفِ تلاوۃ ہوں ترے مصحف رخ کا

عنوان بصائر و بصر دیکھ رہا ہوں

خاک کف پا کحل بصر دیکھ رہا ہوں

میں آپ کا اندازِ نظر دیکھ رہا ہوں

نوکِ مثہ پہ اشک لرزتے ہوئے آئے

کچھ اکتشاف سوز جگر دیکھ رہا ہوں

سالکؔ ترے ہر بات ہے یک کیف مسلسل

فیضان مجرد کا اثر دیکھ رہا ہوں