Sufinama

kaam ke donon hain par donon hain ai yar abas

Shah Akbar Danapuri

kaam ke donon hain par donon hain ai yar abas

Shah Akbar Danapuri

MORE BYShah Akbar Danapuri

    kaam ke donoñ haiñ par donoñ haiñ ai yaar abas

    kufr meñ sub.ha abas diin meñ zunnār abas

    laḌe marte haiñ yuuñ kāfir-o-dīñdā abas

    un ranjish hai abas un hai takrār abas

    pagḌī ban jaaye na mai-ḳhvāroñ dastār-e-sharīf

    mohtasib karte ho mai-noshoñ se takrār abas

    na kamar us nazar aa.e sābit ho dahan

    guftugū us meñ abas us meñ hai takrār abas

    bāġh-e-duniyā meñ jo aa.e to yahī phal paayā

    ho ga.e ham se subuk-dosh girāñ-bār abas

    hai tire ḳhūn-e-jigar se nahīñ kam bāda-e-nāb

    na ho saath to hai sair-e-chaman yaar abas

    dām-e-gesū se rihā.ī ho to pahuñchūñ tujh tak

    fikr merī hai mujhe halqa-e-zunnār abas

    ek din bhī na mire dil ke phaphūle TuuTe

    nok letī hai mizhgāñ sifat-e-ḳhār abas

    qatl-e-ushshāq ko kyā jumbish-e-abrū kam hai

    dast-e-nāzuk meñ hai ye nīmcha ai yaar abas

    rahmat-e-sāqī-e-kausar hai shafā.at ke liye

    mai-kasho chhoḌte ho ḳhāna-e-ḳhumār abas

    haamī un ke haiñ shafī-e-do-jahāñ ai 'akbar'

    Darte haiñ mālik-e-dozaḳh se gunahgār abas

    kaam ke donon hain par donon hain ai yar abas

    kufr mein subha abas din mein zunnar abas

    laDe marte hain yun hi kafir-o-dinda abas

    un ki ranjish hai abas un ki hai takrar abas

    pagDi ban jaye na mai-KHwaron ki dastar-e-sharif

    mohtasib karte ho mai-noshon se takrar abas

    na kamar us ki nazar aae sabit ho dahan

    guftugu us mein abas us mein hai takrar abas

    bagh-e-duniya mein jo aae to yahī phal paya

    ho gae hum se subuk-dosh giran-bar abas

    hai tere KHun-e-jigar se nahin kam baada-e-nab

    tu na ho sath to hai sair-e-chaman yar abas

    dam-e-gesu se rihai ho to pahunchun tujh tak

    fikr meri hai mujhe halqa-e-zunnar abas

    ek din bhi na mere dil ke phaphule TuTe

    nok ki leti hai mizhgan sifat-e-KHar abas

    qatl-e-ushshaq ko kya jumbish-e-abru kam hai

    dast-e-nazuk mein hai ye nimcha ai yar abas

    rahmat-e-saqi-e-kausar hai shafaat ke liye

    mai-kasho chhoDte ho KHana-e-KHumar abas

    hami un ke hain shafi-e-do-jahan ai 'akbar'

    Darte hain malik-e-dozaKH se gunahgar abas

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY