ہے دل درد آشنا کی یاد
ہے دل درد آشنا کی یاد
ابتدا میں ہے انتہا کی یاد
دل میں ہے فخرِ انبیا کی یاد
اسی پردے میں ہے خدا کی یاد
تنِ بیجاں میں جان ڈالی گئی
آ کے محبوب خوش ادا کی یاد
غم غلط عاشقوں کا کرتی ہے
شبِ فرقت میں دل ربا کی یاد
آئینہ کیوں نہ ہو ہمارا دل
اس کو چمکاتی ہے خدا کی یاد
آ کے دل کی کلی کھلا ہی گئی
مرتضیٰ اور مصطفیٰ کی یاد
دل نے جب بوالعلا کا نام لیا
خود بخود آگئی خدا کی یاد
شاہ فرہاد و شہ محمد دوست
یاد ان کی ہے بوالعلا کی یاد
حضرتِ عشق و شاہِ بوالبرکات
یاد ان کی ہے بس خدا کی یاد
قطبِ ارشاد حضرت قاسم
دل میں ہے ایسے با خدا کی یاد
راستے پر لگا گئی مجھ کو
شاہ سجاد حق نما کی یاد
دل کی آنکھوں کو کر گئی روشن
شیخِ اکبر خدا نما کی یاد
جب بھنور میں پڑا سفینۂ دل
آئی اس وقت نا خدا کی یاد
گھر مرے دل میں کر چکی محسنؔ
سید پاک ابوالعلا کی یاد
- کتاب : Kulliyat-e-Mohsin
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
