یکتا ہیں آپ سر سے قدم تک کمال میں

یکتا ہیں آپ سر سے قدم تک کمال میں

فتنہ جو قد میں ہے تو قیامت ہے چال میں

پہنچا دیا کہاں سے کہاں مجھ کو عشق نے

دیکھا خدا کو میں نے بتوں کے جمال میں

عاشق کے دل سے پوچھے کوئی ہجر کا مزہ

جو لطف ہے فراق میں کب ہے وصال میں

مخمورِ حسن وہ ہیں تو ہم مستِ عشق ہیں

وہ اپنے حال میں ہیں تو ہم اپنے حال میں

زندہ کیا اسے اسے پامال کر دیا

کیا کیا قیامتیں ہیں حسینوں کی چال میں

دیکھا نہیں جہاں میں کوئی آپ سا حسیں

واللہ آپ فرد ہیں حسن و جمال میں

کس منہ سے میں کہوں کہ تیرا بندہ ہوں غفور

گھڑی گناہ کی ہے بندھی بال بال میں

دنیا میں جو یگانہ ہے بیگانہ وار ہے

محسنؔ ہے اب تو مہرِ محبت زوال میں