nau-ratan bazu pe jab wo bandh mah-e-paikar uTha

nau-ratan baazū pe jab vo bāñdh mah-e-paikar uThā

lailī-e-shab ne rakhā parvīñ kā phir jhūmar uThā

dekhne ko to na ā.īna but-e-kāfir uThā

darmiyāñ bahr-e-ḳhudā mat sad askandar uThā

qad-e-mauzūñ jab ki dikhlāne mirā dilbar uThā

sāhab-e-takbīr qad-qāmat hī phir kah kar uThā

chashm-e-nam aur ḳhushk-lab maiñ saath kyā le kar uThā

aaj kūche se tire sultān-e-bahar-o-bar uThā

chashm-e-mast-e-yār ko Dartā huuñ dil dete hue

hai ye shīsha pheñk de us ko na patthar par uThā

hai nago-sārī bhī saath ai mardum-e-duniyāy-e-dūñ

shakl-e-favvāra na apne auj par tū sar uThā

rāt-din terā tasavvur thā unheñ ai ḳhār-e-chashm

kyā gunah āñkheñ mirī talvoñ se kyuuñ mil kar uThā

dekhiye kyā sar pe ho āsūdgān-e-ḳhāk ke

aaj phir vo fitna-e-barpā-kun-e-mahshar uThā

mere hote ġhair kī jānib tire abrū hileñ

dostī bālā-e-tāq apnī rakh ai dilbar uThā

ek shab tū baiTh mere halqa-e-āġhosh meñ

yār-e-mah-paikar qadam haale se mat bāhar uThā

gar yahī terī nahīñ hai jān-e-man to ham nahīñ

haañ bhī kar harf-e-nahīñ lab se suḳhan-parvar uThā

apne kushte ko jalāyā tū ne ik Thokar se jab

charḳh-e-chārum ko masīhā chhoḌ ye sun kar uThā

āqibat hotā hai rutba mard-e-haq-go kā buland

daar par hī chaḌh ke haañ mansūr bālā-tar uThā

huuñ marīz-e-chashm us kā us se hai taskīn-e-dil

bāġhbāñ mat sāmne se dasta-e-ab.har uThā

nau-ratan bazu pe jab wo bandh mah-e-paikar uTha

laili-e-shab ne rakha parwin ka phir jhumar uTha

dekhne ko to na aaina but-e-kafir uTha

darmiyan bahr-e-KHuda mat sad askandar uTha

qad-e-mauzun jab ki dikhlane mera dilbar uTha

sahab-e-takbir qad-qamat hi phir kah kar uTha

chashm-e-nam aur KHushk-lab main sath kya le kar uTha

aaj kuche se tere sultan-e-bahar-o-bar uTha

chashm-e-mast-e-yar ko Darta hun dil dete hue

hai ye shisha phenk de us ko na patthar par uTha

hai nago-sari bhi sath ai mardum-e-duniyay-e-dun

shakl-e-fawwara na apne auj par tu sar uTha

raat-din tera tasawwur tha unhen ai KHar-e-chashm

kya gunah aankhen meri talwon se kyun mil kar uTha

dekhiye kya sar pe ho aasudgan-e-KHak ke

aaj phir wo fitna-e-barpa-kun-e-mahshar uTha

mere hote ghair ki jaanib tere abru hilen

dosti baala-e-taq apnī rakh ai dilbar uTha

ek shab tu baiTh mere halqa-e-aghosh mein

yar-e-mah-paikar qadam haale se mat bahar uTha

gar yahī teri nahin hai jaan-e-man to hum nahin

han bhi kar harf-e-nahin lab se suKHan-parwar uTha

apne kushte ko jalaya tu ne ek Thokar se jab

charKH-e-chaarum ko masiha chhoD ye sun kar uTha

aaqibat hota hai rutba mard-e-haq-go ka buland

dar par hi chaDh ke han mansur baala-tar uTha

hun mariz-e-chashm us ka us se hai taskin-e-dil

baghban mat samne se dasta-e-abhar uTha