Sufinama

Tuk samajh kar to lagao lat han bahr-e-KHuda

Shah Naseer

Tuk samajh kar to lagao lat han bahr-e-KHuda

Shah Naseer

MORE BYShah Naseer

    Tuk samajh kar to lagāo laat haañ bahr-e-ḳhudā

    ye kunisht dil hai dekho ai butāñ bahr-e-ḳhudā

    baaġh meñ gir mar bhī jā۔ūñ is qad mauzūñ ko dekh

    rakhiyo zer-e-sarv mujh ko bāġhbāñ bahr-e-ḳhudā

    ek ham bhī haiñ tire halqa-ba-goshoñ meñ yahāñ

    phir na jaanā ham se ai abrū-kamāñ bahr-e-ḳhudā

    ruḳh pe har sūrat se rakhnā gul-ruḳhāñ ḳhat hai kufr

    dekho qur.āñ par na rakhiyo bostāñ bahr-e-ḳhudā

    do qadam par rah ga.ī hai manzil-e-maqsūd aah

    chhoḌ kar tanhā na jaao ham-rahāñ bahr-e-ḳhudā

    ḳhāna-e-chashm us ke sab rahne ḳhātir chhoḌ do

    dīda-o-dānista uThiyo mardumāñ bahar-e-ḳhudā

    nāma-e-laḳht-e-dil us be-dīd tak pahuñchā mirā

    aaj phir ai qāsid-e-ashk-e-ravāñ bahar-e-ḳhudā

    abrū-o-mizhgāñ se us ke is qadar kāvish na kar

    ik ḳhadañg-e-āh se ai dil yahāñ bahar-e-ḳhudā

    ḳhanjar-o-shamshīr tak naubat na pahuñchā jañg

    sulh mazkūr ab darmiyāñ bahar-e-ḳhudā

    kab bin us ārām-e-jāñ ke ko yaañ aatā hai chain

    le chal ai betābī-e-dil phir vahāñ bahar-e-ḳhudā

    ban gayā dil nishāna aah par ne na

    nāvak-e-mizhgāñ se thī ḳhātir-nishāñ bahr-e-ḳhudā

    fikr-e-zād-e-rāh hai kuchh tujh ko bhī haañ ai 'nasīr'

    umr ko ġhaflat meñ mat kho rā.egāñ bahr-e-ḳhudā

    Tuk samajh kar to lagao lat han bahr-e-KHuda

    ye kunisht dil hai dekho ai butan bahr-e-KHuda

    bagh mein gir mar bhi ja۔un is qad mauzun ko dekh

    rakhiyo zer-e-sarw mujh ko baghban bahr-e-KHuda

    ek hum bhi hain tere halqa-ba-goshon mein yahan

    phir na jaana hum se ai abru-kaman bahr-e-KHuda

    ruKH pe har surat se rakhna gul-ruKHan KHat ka hai kufr

    dekho quran par na rakhiyo bostan bahr-e-KHuda

    do qadam par rah gai hai manzil-e-maqsud aah

    chhoD kar tanha na jao ham-rahan bahr-e-KHuda

    KHana-e-chashm us ke sab rahne ki KHatir chhoD do

    dida-o-danista uThiyo marduman bahar-e-KHuda

    nama-e-laKHt-e-dil us be-did tak pahuncha mera

    aaj phir ai qasid-e-ashk-e-rawan bahar-e-KHuda

    abru-o-mizhgan se us ke is qadar kawish na kar

    ek KHadang-e-ah se ai dil yahan bahar-e-KHuda

    KHanjar-o-shamshir tak naubat na pahuncha jang ki

    sulh ka mazkur la ab darmiyan bahar-e-KHuda

    kab bin us aaram-e-jaan ke ji ko yan aata hai chain

    le chal ai betabi-e-dil phir wahan bahar-e-KHuda

    ban gaya dil hi nishana aah par tu ne na ki

    nawak-e-mizhgan se thi KHatir-nishan bahr-e-KHuda

    fikr-e-zad-e-rah hai kuchh tujh ko bhi han ai 'nasir'

    umr ko ghaflat mein mat kho raegan bahr-e-KHuda

    Source :
    • Book : Kulliyat-e-Shah Naseer Edited: Tanwir Ahmad Alvi (Pg. 197)
    • Author : Shah Naseer
    • Publication : Majlis-e-Taraqqi Adab, Lahur (1971)
    • Edition : First
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now