na aaya kya sabab ab alag raha dil-e-intizar aaKHir

na aayā kyā sabab ab alag rahā dil-e-intizār āḳhir

jahāñ hove vahāñ jā kar mujhne honā nisār āḳhir

ba-hāl-e-ḳhasta dīvāna mujhe baiThā to rahne dev

kabhū to is galī āvegā o rañgīñ-nigār āḳhir

chalā aatā hai jo sayyād-e-zālim dām-e-gesū le

ki shāyad āhū-e-dil kuuñ karegā o shikār āḳhir

sarāpā ġharqe-e-isyāñ huuñ giraftār-e-ḳhajālat huuñ

na jaano kyā karegā tuuñ mirā anjām-e-kār āḳhir

kahīñ hastī mane hargiz Thikāna to nahīñ dastā

magar dastā Thikāna hai mujhe dārul-bavār āḳhir

sanam jis vaqt pūchhegā ki kyā laayā mirī ḳhātir

mujhe honā lagegā tab nihāyat sharmsār āḳhir

bhalā bil-farz val-taqdīr be-shak dozaḳhī huuñ maiñ

ba-har-sūrat kalātā huuñ ġhulām-e-hasht-o-chār āḳhir

gunah kuchh hor bhī karnā to kar le aarzū mat rakh

nahīñ tere gunāhāñ kuuñ to kachchā hadd-o-shumār āḳhir

badal shāh-e-najaf kā tuuñ 'turābī' naqsh-e-pā ho rah

karegā tujh kuuñ baḳhshā.ish shah-e-duldul-savār āḳhir

na aaya kya sabab ab alag raha dil-e-intizar aaKHir

jahan howe wahan ja kar mujhne hona nisar aaKHir

ba-haal-e-KHasta diwana mujhe baiTha to rahne dew

kabhu to is gali aawega o rangin-nigar aaKHir

chala aata hai jo sayyaad-e-zalim dam-e-gesu le

ki shayad aahu-e-dil kun karega o shikar aaKHir

sarapa gharqe-e-isyan hun giraftar-e-KHajalat hun

na jaano kya karega tun mera anjam-e-kar aaKHir

kahin hasti mane hargiz Thikana to nahin dasta

magar dasta Thikana hai mujhe darul-bawar aaKHir

sanam jis waqt puchhega ki kya laya meri KHatir

mujhe hona lagega tab nihayat sharmsar aaKHir

bhala bil-farz wal-taqdir be-shak dozaKHi hun main

ba-har-surat kalata hun ghulam-e-hasht-o-chaar aaKHir

gunah kuchh hor bhi karna to kar le aarzu mat rakh

nahin tere gunahan kun to kachcha hadd-o-shumar aaKHir

badal shah-e-najaf ka tun 'turabi' naqsh-e-pa ho rah

karega tujh kun baKHshaish shah-e-duldul-sawar aaKHir