shaida-e-tajalli hai parwana jise kahiye

shaidā-e-tajallī hai parvāna jise kahiye

asrār kā mahram hai dīvāna jise kahiye

saaqī kī nigāhoñ kā mastāna jise kahiye

sarshār-e-mohabbat hai dīvāna jise kahiye

labrez haiñ paimāne maḳhmūr haiñ dīvāne

nazzāra hai saaqī kā mai-ḳhāna jise kahiye

un mast nigāhoñ ne sau jaam pilā.e haiñ

hāsil hai mujhe zauq-e-rindāna jise kahiye

ai sāqi-e-mai-ḳhāna kuchh aur navāzish ho

ḳhālī hai abhī tak dil paimāna jise kahiye

ma.alūm nahīñ tujh ko ai chashm-e-tamāshā.ī

āgāh-e-haqīqat hai dīvāna jise kahiye

har gosha-e-dil meñ hai tasvīr-e-ruḳh-e-jānā

ye dil hai ajab ka.aba but-ḳhāna jise kahiye

jis din se mere dil ko ābād kiyā tum ne

anvār kī jannat hai kāshāna jise kahiye

duniyā kī zabāñ par hai 'sādiq' merā afsāna

vo band-e-maulā huuñ dīvāna jise kahiye

shaida-e-tajalli hai parwana jise kahiye

asrar ka mahram hai diwana jise kahiye

saqi ki nigahon ka mastana jise kahiye

sarshaar-e-mohabbat hai diwana jise kahiye

labrez hain paimane maKHmur hain diwane

nazzara hai saqi ka mai-KHana jise kahiye

un mast nigahon ne sau jam pilae hain

hasil hai mujhe zauq-e-rindana jise kahiye

ai saqi-e-mai-KHana kuchh aur nawazish ho

KHali hai abhi tak dil paimana jise kahiye

malum nahin tujh ko ai chashm-e-tamashai

aagah-e-haqiqat hai diwana jise kahiye

har gosha-e-dil mein hai taswir-e-ruKH-e-jaana

ye dil hai ajab kaba but-KHana jise kahiye

jis din se mere dil ko aabaad kiya tum ne

anwar ki jannat hai kashana jise kahiye

duniya ki zaban par hai 'sadiq' mera afsana

wo band-e-maula hun diwana jise kahiye