اٹھ گیا سامنے سے یار اپنا

اٹھ گیا سامنے سے یار اپنا

رہ گیا ہم کو انتظار اپنا

پر تو افگن ہوا جو یار اپنا

آئینہ ہوگیا نثار اپنا

دیدۂ تر ہے اشکبار اپنا

دل ہے ساتھ اس کے شعلہ زار اپنا

مست ہوں چشم مئے پرست کا میں

ٹوٹتا ہے کہاں خمار اپنا

آتش ہجر گل کا تپ زدہ ہوں

نفض بلبل میں ہے بخارا اپنا

تیر مژگاں جگر کے پار ہوا

اڑ گیا ہاتھ سے شکار اپنا

اشتر مست راہ یثرب ہوں

سارباں چھوڑدے مہار اپنا

کہ بوقت طواف روضۂ پاک

جان و دل تک کروں نثار اپنا

ہے سرو چشم وقف مقدم ناز

کیجیے فرش رہ گذار اپنا

یہ تمنا ہے دل میں اے شائقؔ

کاش یاور ہو روز گار اپنا

سر رہے آستان نعمت پر

ہے اسی در سے افتخار اپنا