اس درد بے کسی سے پریشاں ہوں کیا کروں

اس درد بے کسی سے پریشاں ہوں کیا کروں

میں آپ اپنی زیست کا ارماں ہوں کیا کروں

آتا ہے کون چاک گریباں کیے ہوئے

اے جذب دل سنبھال میں حیراں ہوں کیا کروں

دامن کشا میں اور وہ آمادۂ کرم

اف کیسی کشمکش ہے میں حیراں ہوں کیا کروں

آیا جو مجھ کو ہوش انہیں پایا نہ آپ میں

وارفتگی پہ اپنی پشیماں ہوں کیا کروں

پھولوں میں بس کے رہ کے گلستاں میں بھی شمیمؔ

مانند بوئے گل میں پریشاں ہوں کیا کروں