naza mein bhi jo na puchhoge to kab puchhoge

naza.a meñ bhī jo na pūchhoge to kab pūchhoge

tum se itnā bhī na hogā to bhalā kyā hogā

mauja-e-bād-e-bahārī meñ uḌtā kyā hai

ai junūñ mere garebāñ kā TukḌā hogā

ai kHayāl-e-muzh.da-e-yār madad kar merī

Dūbte ke liye tinke kā sahārā hogā

bose de-de ke pilā.eñ vo mujhe zahr ke ghūñT

'umr-e-jāved bhī diiñ aur kahīñ marnā hogā

is liye dete haiñ muñh meñ mere apnī vo zabāñ

hashr meñ jo vo kaheñge vahī kahnā hogā

tā'at us kī hai namāz us kī hai sajde us ke

āstāñ par jo tire nāsiya-farsā hogā

kaun dil de ke kare roz taqāzā-e-visāl

aise jhagḌe meñ paḌe kaun bakheḌā hogā

kyā ḳhabar thī ki mohabbat meñ butoñ ke ai shams'

saarī duniyā kī musībat ko bhugatnā hogā

naza mein bhi jo na puchhoge to kab puchhoge

tum se itna bhi na hoga to bhala kya hoga

mauja-e-baad-e-bahaari mein uDta kya hai

ai junun mere gareban ka TukDa hoga

ai kHayal-e-muzhda-e-yar madad kar meri

Dubte ke liye tinke ka sahaara hoga

bose de-de ke pilaen wo mujhe zahr ke ghunT

'umr-e-jawed bhi din aur kahin marna hoga

is liye dete hain munh mein mere apni wo zaban

hashr mein jo wo kahenge wahi kahna hoga

ta'at us ki hai namaz us ki hai sajde us ke

aastan par jo tere nasiya-farsa hoga

kaun dil de ke kare roz taqaza-e-visal

aise jhagDe mein paDe kaun bakheDa hoga

kya KHabar thi ki mohabbat mein buton ke ai shams'

sari duniya ki musibat ko bhugatna hoga