دلبر کو اپنے ڈھونڈنے جاؤں کہاں کہاں
دلبر کو اپنے ڈھونڈنے جاؤں کہاں کہاں
دل میں جگر میں سینہ میں پاؤں کہاں کہاں
مرتا ہوں ہجر یار میں کس کس سے میں کہوں
بے چینی اپنے دل کی دکھاؤں کہاں کہاں
دیر و حرم میں قصۂ غم سب سے کہہ چکا
کمبخت دل کا حال سناؤں کہا کہاں
مجروح دل ہے زخمی جگر اور سینہ شق
خنجر فراق یار کے کھاؤں کہاں کہاں
دل میں جگر میں سینہ میں پہلو میں ہر جگہ
سر تا قدم ہیں زخم بتاؤں کہاں کہاں
پروانہ وار جل کے ہوا خاک شمع رو
شکوہ زباں پہ تیرا میں لاؤں کہاں کہاں
دیر و حرم میں مسجد و گرجا کنشت میں
اے دل تلاشِ یار میں جاؤں کہاں کہاں
اسلام کی خبر نہ مجھے کفر کا خیال
دم دم میں شمسؔ گم ہے گماؤں کہاں کہاں
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
