شرح_رب_اللعالمیں ہے شان_تاج_الاولیا

شرح رب اللعالمیں ہے شان تاج الاولیا

ہاں رہے ہیں سب تہ دامان تاج الاولیا

موجب تکوین ہے فرمان تاج الاولیا

روز و شب شام و سحر قربان تاج الاولیا

سر بہ سر شان خدا ہے شان تاج الاولیا

کیوں نہ ہو عرفان حق عرفان تاج الاولیا

نحن اقرب کیا ہے قرب جان تاج الاولیا

ثم وجہ اللہ رخ تابان تاج الاولیا

کیا ہے جنت روضۂ رضوان تاج الاولیا

کیا ہے کوثر چشمۂ فیضان تاج الاولیا

کیا ہے ہستی ہستی سرتاج ہستی میں فنا

کیا ہے مستی مستی چشماں تاج الاولیا

کیا خدا کیا انبیا کیا اولیا کیا اصفیا

ایک جلوہ ہے بصد عنوان تاج الاولیا

کیا شریعت کیا طریقت کیا حقیقت ہیں یہ سب

لغزش مستانۂ مستان تاج الاولیا

کیا ظہور و غیب تاج الفرق تاج الجمع ہے

جسم تاج الاولیا و جان تاج الاولیا

کوئی تاج الخلق تاج الامر تاج الروح ہے

کیا ہے پیمان بلا پیمان تاج الاولیا

کل یوم ہو فی شان کے ہر آئینہ میں

دیکھنے والوں نے دیکھی شان تاج الاولیا

مست ہے تیرے ترانوں سے فضائے دل ذہینؔ

مرحبا اے بلبل بستان تاج الاولیا