میری جان تو نہ اگر جان سے بڑھ کر ہو جائے

میری جان تو نہ اگر جان سے بڑھ کر ہو جائے

تیرا پیکاں مجھے کیوں دل کے برابر ہو جائے

ہو جہاں بوئے وفا سمجھیں وہ مدفن میرا

جب زمیں گور غریباں کی برابر ہو جائے

ان سے کچھ کہنے کی ہمت ہی نہیں اور جو کہوں

جو تمنا ہو وہی حرف مقدر ہو جائے

اضطراب دلِ بیتاب الٰہی توبہ

جس پہ آ جائے یہ کمبخت وہ مضطر ہو جائے

اس کی قسمت جسے تو آنکھ اٹھا کر دیکھے

اس کی تقدیر جو بیکس ترا منظر ہو جائے

نزع میں آؤ اشاروں میں ہی باتیں کر لیں

صحبتِ راز و نیاز اب تو گھڑی بھر ہو جائے