جنوں میں ایک دن ڈنکا بجےگا جوشِ ایماں کا

جنوں میں ایک دن ڈنکا بجےگا جوشِ ایماں کا

ہے اِلّا اللہ آوازہ مرے چاک گریباں کا

ورق مجھ کو جو ہاتھ آجائے خورشید درخشاں کا

تو لکھوں وصف روئے پاک کچھ محبوب یزدں کا

خیالِ تن نہ پھر آیا جو نکلی روح قالب سے

رہا ہوکر نہ دیکھا خواب بھی یوسف نے زنداں کا

کسی کا صانع کونین کھینچے گا مگر نقشہ

ورق سادہ پڑا ہے آج تک مہرِ درخشاں کا

عجب شاداب ہےلاکھوں گلِ زخم اس میں کھلتے ہیں

نہالِ دل مرا سینچا ہوا ہے آبِ پیکاں کا

ہوئے اربابِ محفل خوش خدا نے آبرو رکھ لی

کہ تھا شوق امتحاں اس دم تری طبعِ سخنداں کا