تجھے چھ بھی خدا کر ترس ہے او سنگ دل ترسا

تجھے چھ بھی خدا کر ترس ہے او سنگ دل ترسا

ہمارا دل بہت ترسا ارے ترسا نہ اب ترسا

میں اس پر مبتلا وہ غیر مذہب شوخ اب ترسا

قیامت ہے مسلماں عاشق اور معشوق ہے ترسا

ہوا بیمار تیرے عشق میں جو چرخ چارم پر

مسیحا پڑھ رہا ہے کچھ بچھا کر اپنا بستر سا

پکارا دور سے دے کر صفیروں نے جو ہیں مجھ کو

تو کیا میرا کلیجہ دھک سے ہو لوٹا کبوتر سا

نظیرؔ ایک دو گلے کرنے بہت ہوتے ہیں خوباں کے

چلو اب چپ رہو بس کھول بیٹھے تو تو دفتر سا