کمر تک اس نے زلفوں کو جو بل دے دے کے چھوڑا ہے

کمر تک اس نے زلفوں کو جو بل دے دے کے چھوڑا ہے

یہ دو زلفیں نہیں ہیں کافر ایک ناگن کا جوڑا ہے

سمندر آسماں کب آپ سے دوڑے ہے اس پر تو

کسی کی ایڑ پر ہے ایڑ اور کوڑے پہ کوڑا ہے

دیا اس سنگ دل کے ہاتھ اپنے شیشۂ دل کو

جو سچ پوچھو تو میں نے لعل کو پھتر سے پھوڑا ہے

یہی ہے دھوم کل سے وہ میرے ملنے کو آتا ہے

گلے میں ہار ہے اور تن میں نافرمانی جوڑا ہے

غرض میں تو نظیرؔ اسے سمجھتا ہوں کہیں شاید

کسی کا نیل بگڑا ہے جو یہ طوفان جوڑا ہے