چھوڑیے گانہ وہ ستم شعاری اپنی

چھوڑیے گانہ وہ ستم شعاری اپنی

چھوڑیں گے نہ ہم بھی جاں نثاری اپنی

اے ہمدمو چھوڑ دو ہمیں تم تنہا

کر لیں گے ہم آپ غمگساری اپنی

لو ہم نے بھی زیست سے اٹھایا اب ہاتھ

ترک اس نے بھی کی ستم شعاری اپنی

الفت کے معاملے میں انصاف نہیں

آتی ہے تمہیں تو پاسداری اپنی

طوفاں سے جو کچھ ہوا وہ اس سے ہوگا

گر یونہیں رہے گی اشکباری اپنی

دل لینے کو میرے یار کیا پوچھتے ہو

یہ چیز تو خاص ہے تمہاری اپنی

کچھ کام نہ ہم سے دین و دنیا کا ہوا

اوقات یہ مفت میں گذاری اپنی

اک روز سخن ؔفراق جاناں میں ضرور

لائے گی قیامت آہ و زاری اپنی