متاع دل و نقد جاں بیچتا ہوں

متاع دل و نقد جاں بیچتا ہوں

اگر قدر کیجئے تو ہاں بیچتا ہوں

مرے لخت دل لعل ہیں مول لیجے

گہر چاہو،ا شک رواں بیچتا ہوں

کسی کی نگاہوں پہ سودا ہے دل کا

میں ارزاں یہ جنس گراں بیچتا ہوں

جنوں میں یہ بکتا ہے دیوانہ تیرا

کوئی لے تو میں بیڑیاں بیچتا ہوں

الہی اسے لے کے وہ کیا کریں گے

دل اپنا پئے امتحاں بیچتا ہوں

میں اک جام پر اپنا سب دین و مذہب

ترے ہاتھ پیرِ مغاں بیچتا ہوں

یہ کیا اے سخن تجھ کو سودا ہو اہے

کہ ہر دم ہے ورد زباں بیچتا ہوں