apna lasha aap hi Dhona paDta hai
apnā lāsha aap hī Dhonā paḌtā hai
apne dukh pe aap hī ronā paḌtā hai
dil kī kathā kahnā sunñā āsān nahīñ
aahoñ ko lafzoñ meñ pironā paḌtā hai
kaisā bandī-ḳhāna hai ye duniyā bhī
aap hī hañsnā aap hī ronā paḌtā hai
rab ko ’ibādat-gāhoñ meñ na DhūñDh faqīh
bandoñ ko dāman meñ samonā paḌtā hai
jannat mile na lafzoñ kī gardānoñ se
pahle 'amal ke biij ko baunā paḌtā hai
aise marāhil bhī aate haiñ māñjhī ko
apnā safīna aap Dubonā paḌtā hai
raah talab meñ manzil yuuñ kab miltī hai
pahle apne aap ko khonā paḌtā hai
apna lasha aap hi Dhona paDta hai
apne dukh pe aap hi rona paDta hai
dil ki katha kahna sunna aasan nahin
aahon ko lafzon mein pirona paDta hai
kaisa bandi-KHana hai ye duniya bhi
aap hi hansna aap hi rona paDta hai
rab ko ’ibaadat-gahon mein na DhunDh faqih
bandon ko daman mein samona paDta hai
jannat mile na lafzon ki gardanon se
pahle 'amal ke bij ko bauna paDta hai
aise marahil bhi aate hain manjhi ko
apna safina aap Dubona paDta hai
rah talab mein manzil yun kab milti hai
pahle apne aap ko khona paDta hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
